Террорчылыкка каршы закон катгыйлана

Дәүләт Думасына, «әгәр күзгә күренеп тора торган йөклелек билгеләре булмаса», полициягә җинаять кылучы хатын-кызларга атарга рөхсәт бирергә кирәк дигән тәкъдим кертелде. Хәзерге вакытта утлы коралны хатын-кызларга карата куллану тыелган. Моннан тыш, полициягә «әгәр очраклы кешеләргә зыян килерлек булса, халык күп булган урыннарда» ату тыелган иде. Хәзер исә закон проекты террорчылык актын булдырмау, тоткыннарны азат итү максаты белән яки дәүләт хакимияте органнары биналарына һөҗүм булганда халык өеренә ут ачарга рөхсәт бирергә тәкъдим итә.