Тукай районында коточкыч авария: машина танымаслык хәлдә

Ватанны саклаучылар көнендә чак кына 4 кеше гомере өзелмәде. Чаллы - Зәй - Әлмәт трассасында коточкыч авария булды. Киа автомобиле юл читендәге яктырткычка килеп менде. Машина хуҗасы  тизлек режимын сакламый. Һава торышының кинәт үзгәрүе дә үзенекен итә. Синоптиклар кичә үк көчле буран чыгачагы турында хәбәр иткән иде.

18 яшьлек автомобиль хуҗасы һәм 3 пассажиры төрле тән җәрәхәтләре белән хастаханәгә озатылды. Инспекторлар әйтүенчә, аларның 4се дә куркынычсызлык каешларын эләктермәгән булган. Җитмәсә, шофёр-егет машина йөртү таныклыгын 2 атна элек кенә алган.