Уганда Чаллы белән дуслашырга уйлый

Чаллыга Уганда делегациясе килде. Максаты – хезмәттәшлек итү. 

Угандада Чаллыга охшаган Джинджа шәһәре бар икән. Анда халыкның 80%ын 30 яшькә кадәрге яшьләр тәшкил итә. Һәм шәһәрдә Kiira Motors Corporation автомобиль заводы да эшли дип, сөйләде делегация вәкиле Мозес Каваалууко Кизиге.

Уганда илчесе Чаллы мэры белән машина төзү өлкәсендә хезмәттәшлек итү турында сөйләште. Көнчыгыш Африка җәмгыяте һәм Чаллы предприятеләре арасында ныклы элемтә булдырырга теләвен белдерде ул.