Хоккейга барсаң – бүләк!

15-16 октябрьдә “Чаллы” хоккей клубының матчлары старт ала. Шәһәребез хоккейчылары Барнаулның “Динамо-Алтай” командасы белән очрашачак. 
Матчка килүчеләрнең һәркайсы бүләкләр уйнатуда катнашачак. 

Искәртергә кирәк, “Камаз” футбол клубы уеннарында да берничә тапкыр розыгрыш үткәрелде. Велосипед, суыткыч, кыска дулкынлы мич кебек бүләкләр уйнатылды. Мондый акциянең максаты бер - халыкны спорт белән кызыксындыру.  

Матчлар 15-16 октябрьдә сәгать 17:00, 18-19 октябрьдә - 18:30 узачак. 
 

Фото "Чаллы" хоккей клубының рәсми сайтыннан алынды