"Яңа дулкын" фестиваленең бер көнендә татар музыкасы яңгыраячак

Бу дөньякүләм популяр музыка бәйрәмен башкалабызда үткәрү буенча фестивальне оештыручы композитор Игорь Крутой һәм республикабыз Президенты Рөстәм Миңнеханов килешүгә кул куйган иделәр. Быелның июль аенда булачак җыр-моң бәйрәме бик күп илләрдән башкаручыларны гына түгел. туристларны да үзенә җыячак.  Инде фестивальгә әзерлек башланган. " Яңа дулкын"-"Новая волна" ның бер көне татар җыр-музыкасына багышланачак.