Яр Чаллыда 28 меңнән артык кече һәм урта эшмәкәрлек субъекты эшли

Чаллы шәһәренең кече һәм урта эшмәкәрлеге үсеше турында эшлекле дүшәмбе вакытында Башкарма комитетның Икътисадый үсеш һәм эшмәкәрлеккә ярдәм итү идарәсе башлыгы Гүзәл Гыйләҗева сөйләде. Ул Чаллыда 28,3 мең кече һәм урта эшмәкәрлек субъекты, шул исәптән 16 меңгә якын шәхси эшмәкәр эшләвен хәбәр итте. Агымдагы ел башыннан бирле 2837 кече һәм урта эшмәкәрлек субъекты теркәлгән. "Кече һәм урта бизнес икътисадка зур өлеш кертә. Ул шәһәр икътисадының һәм бюджетының өченче өлешен формалаштыра. 2019 елның беренче яртыеллыгында кече һәм урта предприятиеләр әйләнеше 95 млрд сум тәшкил итте, бу шәһәрнең барлык предприятиеләре әйләнешендә 26%. Яртысын диярлек сәүдә предприятиеләре формалаштыра, чиреген сәнәгать предприятиеләренә туры килә. Сәүдә кимү һәм икътисадның реаль секторын арттыру тенденциясе дәвам итә", - диде Гүзәл Гыйләҗева.

http://nabchelny.ru/news/38188