Яр Чаллыдагы бер эшче үлем җәрәхәте алган

Фаҗига 30 июль кичендә "КАМАЗ" пресс-рама заводы цехында була. РФ Тикшерү комитетының ТР буенча Тикшерү идарәсе хәбәр иткәнчә, эш урынында үлем җәрәхәтен "Регион-Сервис" ҖЧҖ 62 яшьлек эшчесе алган. Ир-ат детальне штамповать итә, һәм ниндидер мизгелдә аның бер өлеше аның башына очып китә. Берничә сәгатьтән соң ул хастаханәдә вафат була. Әлеге факт буенча РФ Җинаять кодексының 143 маддәсенең 2 өлеше буенча (хезмәтне саклау таләпләрен бозу) җинаять эше кузгатылган. Килеп чыккан хәлнең барлык шартларын билгеләүгә юнәлдерелгән тикшерү эшләре алып барыла. Җинаять эшен тикшерү дәвам итә.