Зифа Кадыйрова - Санкт-Петербургта

Чаллыда яшәүче танылган язучы Зифа Кадыйрова әсәре буенча куелган «Бәхеткә юл кайда»  спектаклен Буа татар дәүләт драма театры Санкт-Петербург тамашачысына тәкъдим итте. «Санкт-Петербургта яшүче милләттәшләребез спектакльне бик җылы кабул иттеләр. Аллаһка шөкер, зурладылар үземне. Вәкаләтле вәкил үз машинасында шәһәр, музейларны күрсәтеп йөрде. Спектакль алдыннан тамашачылар белән очраштым. Ихластан аралаштык. Чәчәкләр бирделәр, үзем автограф яздым. Илһамланып кайттым. Минзәлә һәм Кукмара районнарындагы очрашулардан соң, иҗат эшенә керешермен инде», – диде «Шәһри Чаллы» газетасы журналистына Зифа Кадыйрова.