Зират юлы төзекләндерелә

Биредәге юлларга 20 елдан артык ремонт ясалмаган иде. Быел шәһәребездә М-7 федераль трассасыннан башлап зиратның мөселман өлешенә кадәрге участоктагы асфальтны алыштырачаклар, бордюрлар куелачак.   Зират директоры Ришат Шәйхуллов әйтүенчә, бу 2 чакырымга якын юл. “Автомобиль юллары“  муниципаль предприятиесенең проектлар җитәкчесе Валерий Кобелев майда башланган эшләрнең июньдә тәмамланачагын белдерде. Бу объектта башкарасы эшләр моның белән генә бетми. Каберлекләр саны арта. Узган ел шәһәр бюджетыннан бүлеп бирелгән 15 миллион сум акчага зират эчендәге юллар тәртипкә китерелгән.

фото – http://tamlife.ru