Ел башыннан Чаллыда 4 500дән артык кеше эшкә урнаштырылган
Ел башыннан Чаллыда 4 503 кеше эшкә урнаштырылган. Хәзерге вакытта 1 591 кеше эшсез дип теркәлгән. Яр Чаллыда эшсезлек дәрәҗәсе 0,56%ны тәшкил итә. Бу хакта "Россия эше" кадрлар үзәге җитәкчесе Татьяна Быданова хәбәр итте.
Бүген кадрлар үзәге мәгълүматлар базасында 8 712 вакансия бар. Шәһәрнең 1 128 предприятиесе «Россиядә эш» порталында теркәлгән.
Наил Мәһдиев Чаллы укучыларының эшкә урнашуын оештыру белән кызыксынды.
«Июнь аен уңышлы эшләдек, 1 273 кеше эшкә урнаштырылды. Үзәккә мөрәҗәгать иткән барлык балалар да эшкә урнаштырылды. Июльгә 900 бала рәсмиләштердек, августка 800-900 кешене эшкә урнаштырырга уйлыйбыз. Эш урыннары бар, предприятиеләр эшкә алалар», - дип аңлатты Татьяна Быданова.
Наил Мәһдиев укучыларның хезмәт хакы турында мәгълүмат бирергә кушты: "Җәйге чорда түләнгән хезмәт хакы дәрәҗәсе шулай ук лаеклы булырга тиеш ", - дип ассызыклады мэр.
Следите за самым важным и интересным в Telegram-каналеТатмедиа
Нет комментариев