Рөстәм Миңнеханов Чаллыда балалар бакчасын һәм гимназияне тантаналы ачачак

Татарстан Президенты Рөстәм Миңнеханов 25 августта Чаллыда эш сәфәре белән булачак. Ул 63нче комплекста «Демография» милли проекты кысаларында төзелгән 220 урынлы балалар бакчасы һәм Мәләкәс аръягы микрорайонындагы яңа гимназия ачылышында катнашырга ниятли.
Яңа балалар бакчасында инде 12 төркем булдырылган. Учреждениедә спорт һәм музыка заллары, азык-төлек блогы, медицина блогы, тар белгечләр кабинеты, уен мәйданчыклары һәм башкалар бар. Биредә нульдән алып өч яшькә кадәр 120 бала һәм өч яшьтән җиде яшькә кадәр 100 бала кабул ителәчәк.