Шəhри Чаллы

Шәһәр транспорты яңара

Шәһәр "КАМАЗ" ААҖнең кече предприятиесе "НЕФАЗ" компаниясе җитештергән күп кеше сыйдырышлы автобуслар ала. Техника видеокүзәтү системасы, маршрутларны күрсәткеч һәм валидатор белән җиһазландырылачак.

Шәһәр автобусларын яхшыртылган интерьер белән комплектлау һәм аларның фирма төсләре Наил Мәһдиевнең "НЕФАЗ" җитәкчелеге белән очрашуы вакытында расланды. Шәһәр ихтыяҗлары өчен газ-мотор ягулыгында эшләүче зур класслы НЕФАЗ һәм кечкенә класслы Bravis автобуслары алу планлаштырыла.

Тулаем алганда, алдан килешүләр буенча, "КАМАЗ" Татарстан һәм Чаллы пассажир йөртүчеләрен 68 берәмлек НЕФАЗ-5299-40-51 шәһәр автобусы, 122 берәмлек түбән идәнле НЕФАЗ-5299-30-51 һәм НЕФАЗ-52-99-11-31 шәһәрара автобуслары белән тәэмин итәчәк.

Болардан тыш, газ-мотор техникасы сатып алу өчен бирелүче дәүләт субсидияләре программасы буенча республика ихтыяҗлары өчен 20 берәмлек кече класслы Bravis автобуслары алу планлаштырыла.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: