100 мәче урамда калды
Алабугада мәчеләр приютыннан көл генә калган
Алабугада төнлә янгын чыгып, мәчеләр приюты зыян күргән. Янгын мәйданы 615 кв. метрны тәшкил иткән. Кешеләр зыян күрмәгән, әмма 100гә якын хайван яшәү урынсыз калган. Хәзер волонтерлар битараф булмаган кешеләрне йортсыз калган мәчеләрне вакытлыча үзләренә алырга чакыра.
— Миңа төнге сәгать бердә шалтыраттылар, янгын сүндерүчеләр инде урында иде. Янгынның каян башланганын беркем дә әйтә алмый. Яну сәбәпләре әлегә билгесез, — дип сөйләде «Девять жизней» оешмасы җитәкчесе Наталья Гилязова.
Гилязова сүзләренчә, оешма инде 11 ел эшли. Волонтерлар төркеме мәчеләрне коткару белән 14-15 ел шөгыльләнә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев