12 яшьлек малайны чишендереп кимсеткән яшүсмерләргә нинди җәза булачак?

5нче сыйныф укучысын чишендереп кыйнаган яшүсмерләр җаваплылыкка тартылачак. ТР Тикшерү комитеты җинаять эше кузгатты. 

Исегезгә төшерәбез, инцидент 2 атна элек Казанның Салават Күпере торак комплексында булды. Бер төркем яшүсмерләр 12 яшьлек малайны кисәтү ясаганы өчен вәхшиләрчә кыйнадылар. Чишендереп мыскылладылар. Тулырак монда язылган.

Әлеге хәлне РФ Тикшерү комитеты рәисе Александр Бастрыкин җентекләп тикшерергә кушты. Яшүсмерләр - мәктәп укучылары. 18 яшьләре тулмаган. Алар балигълык яшенә җитмәгән балалар белән эшләү (ПДН) белгечләре күзәтчелеге астында булачак. Моннан тыш, махсус мәктәпкә күчерелергә мөмкин.