Чаллыда 189 йорт кайнар сусыз кала

Чаллыда җылылык торбаларын гидравлик сынауның өченче этабы тәмамланып килә. Барлыгы 28 деффект ачыкланган, аның 26сы инде төзәтелгән.

16 июльдә опрессовкалауның дүртенче этабы башлана. Яңа шәһәрдә 189 күпфатирлы йорт, 12 мәктәп, 21 балалар бакчасы, 14 сәламәтлек саклау учреждениесендә кайнар су бирү туктатыла. 

«Кайнар су бирү гадәттә 14 көннән иртәрәк бирелә. Ләкин кешеләр 14 көннән артык кайнар сусыз яшәмәскә тиешләр», – дип искәртте шәһәр мэры Наил Мәһдиев дүшәмбе киңәшмәсендә.