Татарстанда вакытлыча хезмәткә яраксызлык буенча күпме пособие түләнгән?

Хезмәткәрнең авыруларның беренче өч көне өчен пособиене эш бирүче түли, ә дүртенче көннән башлап акча Татарстан Республикасы буенча Социаль фонд бүлегеннән күчерелә. 2026 ел башыннан 7 миллиард сумнан артык пособие түләнде.
Пособие күләме, иминият очрагына кадәрге ике календарь елда хезмәткәрнең уртача хезмәт хакыннан чыгып исәпләнә. Хезмәткәрнең хезмәт хакы хезмәткә түләүнең минималь күләменнән түбәнрәк яисә аның иминият стажы алты айдан азрак булган очракта, пособие хезмәткә түләүнең минималь күләме нигезендә  санала. 
2026 елның 1 январыннан МРОТ 27 093 сумга җитте. 

«Татарстанда түләүләр системасы автомат рәвештә эшли һәм халык өчен уңайлы. Уртача алганда, һәр көнне 1267 гә якын пособие күчерелә. Пособие күләме иминият стажына һәм хезмәткәрнең хезмәт хакына бәйле –  ул индивидуаль исәпләнә. Сигез елдан артык стажы булганнарга уртача хезмәт хакының 100%ы түләнә, биштән сигез елга кадәр ул –  80%, биш елдан кимрәк булган очракта –  60% тәшкил итә. Агымдагы елда бер көнгә максималь түләү 6 827,40 сумга җитә», –  дип билгеләп үтте Татарстан Республикасы буенча Социаль фонд бүлеге идарәчесе Эдуард Вафин.

Акча эш бирүчедән мәгълүмат алганнан соң ун эш көне дәвамында күчерелә.