36нчы комплекста яшәүчеләр кар белән көрәшкә чыкты - ФОТОЛАР
Чаллының 36нчы комплексында яшәүче ир-атлар, хатын-кызлар һәм хәтта балалар бергә җыелып, йорт янындагы территорияне һәм йорт янындагы парковканы кардан чистарттылар.
Гүзәл Асарова, 36/6-2 йорты буенча җаваплы:
– Йортта яшәүчеләр белән ишегалалларын ялт иттереп җыештырып куйдык. Бердәмлектә көч бит. Күршеләр белән кичтән чыктык та, йорт территориясен кардан арындырдык. Белсәгез ничек күңелле булды: яше дә, карты да кар белән «көрәште» ул көнне. Аллаһка шөкер, безнең йортта яшәүчеләр бер-берсе белән дустанә мөнәсәбәттә. Аларга бер сызгыру җитә диимме? Җыештырган арада күршеләр белән кызыклы видео да төшерергә җитештек.
.jpeg)
.jpeg)
Людмила Калачева, 36/13 йорты буенча җаваплы:
– Ялларда 36/13 йорты территориясен җыештырырга чыктык. Активистлар хәтта термос белән кайнар чәй дә алып чыкканнар иде. Рәхәтләнеп аралашып, чәйләр эчеп, территорияне, парковка җирләрен кардан чистартып куйдык.
Следите за самым важным и интересным в Telegram-каналеТатмедиа
Нет комментариев