Аферист хатын-кызны 1 миллион сумыннан мәхрүм иткән
Полиция мошенникларның ярдәмчесе булуда шикләнелүчене тоткарлады. 28 яшьлек эшсез ир-ат Әлмәт халкыннан 1 миллион сум акча алган. Аны бик тиз тапканнар һәм Йошкар-Олада кулга алганнар.
Зыян күрүче хатын-кызга озак шалтыратканнар, үзләрен төрле оешма хезмәткәрләре булып таныштырганнар. Шалтыратучылар аны Дәүләт хезмәтләре порталындагы паролен белгәннәр, ә аның исеменә 1,5 миллион сумлык кредит рәсмиләштерелгән дип ышандырганнар.
Хатын-кызны барлык булган акчаларын салдырырга һәм курьерга бирергә мәҗбүр иткәннәр, «авыл» дигән пароль әйттергәннәр. Ул акчаны өч көннән кайтарачаклар дип уйлаган, ләкин бер атна көткәч, полициягә мөрәҗәгать иткән.
РФ Җинаять кодексының 159нчы маддәсенең 3нче өлеше ("Зур күләмдә мошенниклык") буенча җинаять эше кузгатылган. Курьер тоткарланган, сак астына алынган. Җинаять схемасының барлык катнашучыларын ачыклау һәм тоткарлау буенча чаралар үткәрелә
Нет комментариев