Артистлар коега төшкән

Аяз Гыйләҗев исемендәге Чаллы татар дәүләт драма артистлары җәйге ялда. Артистлар аны төрлечә үткәрә. 

Чулпан һәм Илфат Әскәровлар өчен  узган сезон нәтиҗәле булды. Илфат «Город Брежнев» киносында төште. Чулпан «Тантана» премиясе алды. 

Алар җәйге ялны Тукай районындагы бер авылда үз йортлары төзелешенә күбрәк багышларга булганнар. Канализация коесы төзиләр, эчке эшләр, бакча эшләре дә җитәрлек . 

– «Тантана» премиясе канализация коесы төзергә җитмәде дә. Монда эш күп әле. Йортыбыздагы эшләрне финанс мөмкинлекләрдән чыгып әкрен генә эшлибез. Улыбыз урта мәктәпне тәмамламыйча барыбер бу йортка күчмибез, – диде Чулпан «Шәһри Чаллы» газетасы журналистына.

Чулпан гаиләсе һәм дуслары белән Абхазиягә барып бераз диңгездә ял итәргә дә җыена. «Өй төзегәч, чит илләргә барып булмый инде», – ди ул. 
Фото Чулпан Әскәровадан алынды.