Ата-аналарга 10 мең сум акча бирәчәкләр

РФ Дәүләт Думасы депутатлары пленар утырышта ана капиталыннан 10 мең сумга кадәр акча алып булуны күздә тоткан закон проектын өченче укылышта кабул иткән. Ата-аналарга бу сумманы бер тапкыр түләячәкләр. Әмма бер нечкәлеге бар. 

“Капиталда калган акча асылда 2 меңнән 25 мең сумга кадәр тәшкил итә. Әмма 10 мең сум гына бирәчәкләр. 10,1 мең сум калган икән, кызганычка, аны алып булмаячак”, – дип билгеләп үткән Думаның Гаиләне яклау буенча комитеты башлыгы Нина Останина.

Шулай ук ул  Россия премьер-министры Михаил Мишустинга күп балалы гаиләләргә түләүле автомобиль юллары буенча бушлай йөрү хокукы бирү тәкъдиме белән дә мөрәҗәгать иткән. Бу закон кабул ителерме юкмы – анысын инде вакыт күрсәтер.