Авариягә юлыккан автобус пассажиры реанимациядән күчерелде

Авария нәтиҗәсендә зыян күреп, реанимациягә эләккән пассажир хатын-кыз реанимациядән нейрохирургия бүлегенә чыгарылды. Аның башы имгәнгән иде. Исегезгә төшерәбез, авария кичә М.Җәлил проспектында булды. Тукталыштан кузгалып киткән автобус өстенә "КАМАЗ" машинасы килеп менде (моннан укы).

Тагын бер пациент травматология бүлегендә дәвалана. Шәһәрнең 5нче хастаханәсенә җибәрелгән 3нче зыян күрүче хатын-кыз өенә җибәрелде. 

Юл-транспорт һәлакәтенә очраган автобуста барлыгы 7 пассажир булган иде.