«Балык пирамидасы» оештырып миллионнар үзләштергән Решетовлар буенча суд булды

Дистәләгән кешене "балык пирамидасы"на җәлеп итеп, зур күләмдә акча үзләштергән ирле-хатынлы Решетовларга карата беренче суд утырышы булды. Иң беренче залга Сергей Решетовны алып килделәр. Ул үз гаебен танымый. "Алдаган булсам, башка җиргә киткән булыр идем", - ди. Аны сак астына алулары белән дә килешмәде. "Инсульт кичердем. Катлаулы операция ясатырга кирәк", - дип белдерде. 

Әти-әниләрен сак астына алсалар, 10 яшьлек улларын кем карар дигән сорау яңгырады. Зур уллары һәм туганнары булуы ачыкланды.

Ахыр чиктә Сергей Решетовны 1 ай 11 көнгә СИЗОга ябарга дигән нәтиҗә чыгардылар.

Исегезгә төшерәбез, Решетовлар гаиләсе пирамидага кеше җәлеп итеп, миллиард сумнан артык акча үзләштергән. Кешеләр аларга ышанып, фатирларын сатканнар, зур кредитлар алганнар. Моннан укы.