Чаллы автобус йөртүчеләре халыкара конкурстан кайтты

Чаллыда автобус йөртүче булып эшләүче Ләйсән Вәлиева - 25нче, Илмир Талипов 58 урынны яулады. Халыкара бәйгедә актив катнашулары өчен алар диплом белән бүләкләнде. «Горкоммунхоз» предприятиесенең мондый конкурста беренче тапкыр катнашуын исәпкә алганда, күрсәткечләр начар түгел. Бәйгедә Россиядән һәм Беларусь Республикасыннан барлыгы 168 автобус йөртүче көч сынашты. 

Исегезгә төшерәбез, Ләйсән Вәлиева шәһәрдә бердәнбер автобус йөртүче хатын-кыз. Аның турында монда язган идек. Илмир Талипов җәмәгать транспортын 12 елдан артык йөртә, 2 һәм 3 маршрутларда эшли.