Чаллы язучылары - җиңүче

Бүген "Казан утлары" журналы үткәргән "Мәйдан - батырлар өчен" әдәби әсәрләр бәйгесендә җиңүчеләрне котладылар. Ул Казанда "Ак барс" спорт сараенда Муса Җәлил исемендәге республика көрәш турнирын ачу тантанасында булды. Җиңүчеләрне Марат Готыф улы Әхмәтов бүләкләде. 

Чаллы берлеге бу көрәштә сынатмады. Повесть номинациясендә беренче урынны Айгөл Әхмәтгалиева алды. Әсәр танылган көрәшче Фазыл Әхмәтҗанов турында. "Рәкыйп Хәмитов. Копченый" повесте белән икенче урынга Лилия Гыйбадуллина лаек булды. Шулай ук кызыксындыру бүләге белән Түбән Камада яшәп иҗат итүче өлкән язучы Фәтхулла Абдуллин бүләкләнде.