Чаллы язучылары мәртәбәле бәйгедә җиңде

Роберт Миңнуллин исемендәге «Иң яхшы балалар әдәби әсәрләре» бәйгесенә нәтиҗә ясалды. Җиңүчеләр шагыйрьнең 75 еллыгы уңаеннан оештырылган әдәби-музыкаль кичәдә бүләкләнде. 

Җиңүчеләр арасында Чаллы язучылары да бар. 

Айгөл Әхмәтгалиева«Балалар яки үсмерләр өчен иң яхшы драма әсәрләре» номинациясендә «Әллә юри, әллә чын» әсәре белән -  

беренче, Лилия Сираева -Гыйбадуллина «Балалар яки үсмерләр өчен иң яхшы проза әсәрләре» номинациясендә  «Шакмак туп» повесте белән икенче урын алды. 

Җиңүчеләргә акчалата премия тапшырылды.