Чаллы язучылары мәртәбәле конкурста җиңде

Казанда  «Апуш» татар балалар театр студиясенең театр сезонын ачу тантанасында «Алмачуар» балалар һәм яшүсмерләр өчен татарча пьесалар конкурсының нәтиҗәләре билгеле булды. 

Бәйгедә 18 яшьтән зуррак 41 автор катнашты. Нәтиҗәдә 10 җиңүче һәм 2 махсус бүләк иясе билгеләнде. 

«Зур состав өчен балалар пьесасы» номинациясендә «Тызбыз» пьесасы өчен Айгөл Әхмәтгалиева – беренче урын,  «Зур состав өчен яшүсмерләр пьесасы» номинациясендә «Шакмак туп»  пьесасы өчен Лилия Гыйбадуллина икенче урын алды. 

 Җиңүчеләргә 110 000 сум, 90 000 сум премия тапшырылды.