Чаллы көрәшчесе Эльдар Хәмитов – абсолют батыр

Вятские Полянада узган XV Бөтенроссия авыл Сабантуенда Чаллы көрәшчесе Эльдар Хәмитов абсолют батыр булды. 
Ул ТР Рәисе Рөстәм Миңнеханов бүләге – «Лада Гранта» автомобиле белән бүләкләнде. 

Эльдар Хәмитов Бакуда узган Европа чемпионатында травма алып, спорттан китеп торган иде. Ул Мәскәүдә катлаулы операция ясатты, тернәкләндерү курслары үткәннән соң, кабат келәмгә чыкты.

Быел Чаллы Сабантуенда җиңмәсә дә, Бөтенроссия авыл Сабантуенда аңа бәхет елмайды. 

Фото: Бөтендөнья татар конгрессы