Чаллы театры ачык һавада икенче спектакль күрсәтә

Бүген Аяз Гыйләҗев исемендәге Чаллы татар дәүләт драма театры тамашачыларны Март Бибишев исемендәге паркка чакыра. 

Биредә «Хәл бу ки... Салих Сәйдәшев» спектакле күрсәтелә. Ул татар халкының күренекле композиторы, татар профессиональ музыка сәнгатенә нигез салучы Салих Сәйдәшевнең тормышына һәм иҗатына багышланган. 

Спектакльдә урта буын артистлары, шулай ук Инсаф Һидиятуллин кебек яшь артистлар уйный. 

Тамаша 18 сәгатьтә башлана. Керү ирекле.