Чаллы театры Казанга гастрольгә китә

Аяз Гыйләҗев исемендәге Чаллы татар дәүләт драма театры киләсе сезонны гастрольләрдән башлый. 15 сентябрьдә коллектив Казанга өч көнлек гастрольгә бара.

«Бу юлы Камал театры сәхнәсендә узган сезонда уңыш белән барган премьераларны уйныйбыз. «Бөке» комедиясен, «Ак калфак» драмасын, «Сихерче» мелодрамасын Чаллыдагы тамашачылар җылы кабул итте. Театрның сәнгать җитәкчесе Олег Кинҗәгулов куйган бу спектакльләр башкала тамашачысы күңеленә дә хуш килер дип ышанабыз», – ди театрның әдәби бүлек мөдире Айгөл Әхмәтгалиева. 

Фото театр сайтыннан алынды.