Чаллы театрыннан - тамашачыларга бүләкләр

21 декабрьдә Аяз Гыйләҗев исемендәге Чаллы татар дәүләт драма театры үзенең 35 еллыгын билгеләп үтте. Туган көнгә коллектив шәһәр халкы өчен берничә үзенчәлекле бүләк әзерләде.

Беренче бүләк – интерактив премьера

Сәхнәгә Равил Сабырның «Ак үрдәк» спектакле чыкты. Бу неодрамада тамашачылар финалны үзләре сайлый. Алты төрле чишелеш, заманча технологияләр һәм ясалма фәһем темасы бу куелышны бөтен зал катнаша торган экспериментка әйләндерә.

Тагын бер сюрприз – кечкенә тамашачылар өчен әзерләнгән «Балабу» исемле матур музыкаль әкият

Бу әкият балаларга уен формасында юл йөрү кагыйдәләрен өйрәнергә ярдәм итә.

Барлык тамашачылар өчен өченче бүләк – заманнар диалогы күргәзмәсе

Театрның күргәзмә залында «Чаллы: шәһәр, завод, театр. Кадрдагы вакыт» дип исемләнгән фотокүргәзмә ачылды. Проект өч мөһим вакыйганы бәйли: шәһәргә – 400 ел, «КАМАЗ»га – 50 ел һәм театрга – 35 ел.

«Традицион тантана урынына – сәнгать аша тамашачы белән турыдан-туры аралашу, – диләр театрда. – Күргәзмә безнең тарихны һәм бүгенгебезне күрсәтә, ә «Ак үрдәк» спектакле – бүгенгебезне һәм киләчәгебезне».

Татар драма театры туган көнен динамикада билгеләп үтә: 35 ел эчендә – 143 спектакль, шуларның 32се соңгы биш елда яңа бинада куелган.