Чаллыда берничә җирдә шартлаткыч дип шалтыратканнар

Чаллының 4 объектында хокук сакчылары, табиблар, «Горгаз» хезмәткәрләре, кинологлар эшләде. Билгесез кешеләр 43 комплекстагы китапханәгә, «Крокус» отеленә, «Премьер» кунакханәсенә һәм 7нче шифаханәгә шалтыратып шартлаткычлар куелуы турында хәбәр иткән. Әлеге учреждениеләрдә эшләүчеләр, пациентлар, кунаклар – барысы да эвакуацияләнде. Бәхеткә, шартлаткычлар табылмады. Әлеге хәбәр ялган. Хәзерге вакытта шалтыратучыларның шәхесләрен ачыклыйлар.