Чаллыда бүләкле концерт була

«Энергетик» мәдәният сараенда «Чаллы безне бер гаиләгә берләштерде» дип исемләнгән чаралар циклы була. Ул КАМАЗ заводлары, Түбән Кама ГЭС төзелә башлауга 60 ел тулу уңаеннан оештырыла. 

– Әлеге тәрбияви әһәмияткә ия булган чараның беренчесен 11 сентябрьдәдә уздырабыз. Ул көндезге 14 сәгатьтә башлана. Анда килүчеләр башта ТРның атказанган сәнгать эшлеклесе Мөдәрис Минһаҗевның күргәзмәсен карый алалар, истәлеккә фотога төшәләр. Аннары «Җыр безгә төзергә һәм яшәргә булышты» дигән концерт була. Чарага килүчеләрнең барсына да Чаллы, автогигант тарихына багышланган затлы китап бүләк ителәчәк, – диде концертны алып баручы, ТРның атказанган мәдәният хезмәткәре Гөлзада Рзаева.