Чаллыда ике баланы бәрдерделәр

Чаллыда балалар катнашында ике юл-транспорт һәлакәте булды.

9 август көнне кичке 8ләр тирәсендә Мәскәү проспектында Киа-Рио автомобилен йөртүче 21 яшьлек егет 7 яшьлек малайны бәрдерә. Беренчел фаразлар буенча, бала юлны тиешле булмаган урыннан йөгереп чыккан. Төрле дәрәҗәдәге тән җәрәхәтләре алган малай хастаханәгә озатылган.

Шул ук көнне көндезге икеләрдә Мәскәү проспектындагы бер ишегалдында “Хендэй” автмобилен йөртүче хатын-кыз 9 яшьлек малайны бәрдертә. Инспекторлар әйтүенчә, бала, юл кагыйдәләрен бозып, самокатта килеш юл кырында торган машина артыннан килеп чыккан. Аягы сынган малай хастаханәгә озатылган.