Чаллыда кайнар су бетә

Җылылык торбаларын гидравлик сынау 13 майда башлана. Чаллыда беренчеләрдән булып ЗЯБ һәм Мәләкәс арьягында яшәүчеләр кайнар сусыз кала. Норматив буенча опрессовкалау 26 майга кадәр дәвам итәргә тиеш. 
«ЗЯб бистәсе тулысынча кайнар сусыз кала. Мәләкс арьягында исә 20А микрорайоны,  25нче микрорайондагы 25/03, 25/05, 25/06, 25/07 йортлары, Якупов урамы -14,  «Шаян» балалар бакчасы, 26 микрорайон һәм башка объектларга вакытлыча кайнар су бирү туктатыла», – дип хәбәр иттеләр НЧТС хезмәткәрләре.
Быел ныклыкка һәм тыгызлыкка 753,4 км җылылык челтәре тикшерелә.
Гидравлик сынау 6 этапта уза.
НЧТС ремонт эшләрен дә алып бара. 2026 елда 19 объектта 17 км җылылык челтәрен яңарту планлаштырыла. 
Электрон сатып алулар нәтиҗәсендә экономияләнгән акчага өстәмә рәвештә 1-1,5 км челтәрләрне яңартырга җыеналар. 
Узган җылыту сезонында белгечләр җылылык челтәрләрендә 79 төзексезлек табып, вакытында төзәткәннәр. Бу 2025 елга караганда 10га ким.