Чаллыда машина йөртүчеләрне тикшерәчәкләр

Бүген, 30 гыйнварда, Чаллы ЮХИДИ инспекторлары массакүләм рейд үткәрәчәк. Аның барышында алар хокук сакчылары белән берлектә машина йөртүчеләрне тикшерәчәк. Юл йөрү кагыйдәләрен үтәмәүчеләрне ачыклап, административ җаваплылыкка тартачак. Машина йөртүчеләрдән кала, кагыйдәләргә битараф булган җәяүлеләрне дә ачыклау күздә тотыла. 

ЮХИДИ инспекторлары, юл-транспорт һәлакәтләрен кисәтү максатыннан, мондый чараларны даими рәвештә оештыра.