Чаллыда мигрантлар 76 җинаять кылган

Чаллыда мигрантлар саны арта. Алар тарафыннан кылынган җинаятьләр дә. Узган ел 75 җинаять теркәлгән. 12се – җенси характерда. 4 очракта балигълык яшенә җитмәгән балаларга карата, ди Эчке эшләр идарәсе җитәкчесе Айрат Ханбиков. 

Мигрантларның дүртесе үзләре дә караклардан зыян күргән.

Бүгенге көндә шәһәрнең Урта Азия һәм якын чит илләрдән килгән 24 мең кеше миграция исәбендә тора. Хокук сакчылары аларның яшәү урыннарын тикшереп тора. Кагыйдәләр бозылган очракта, җаваплылыкка тарталар. 

«Сәнәгать зонасында бер бүлмәдә законсыз торучы 22 мигрантка тап булдык. 16сын илдән куып кайтару дигән карар кабул ителде. Калганнарына штраф салынды. Мигрантларны яшерен яшәү урыны белән тәэмин итүче бина хуҗасы да җаваплылыкка тартылачак», – ди Айрат Ханбиков.