Чаллыда микроавтобус янган

Бүген иртән Чаллыда вахта йөртүче микроавтобус янган. Бу хакта социаль челтәрләрдә шәһәрдәшләр хәбәр итте. 

Бәхеткә салонда кешеләр булмаган, шофер кабинадан чыгарга өлгергән. Бу хәл якынча иртәнге 7 тулганда  ЗЯБ бистәсендә, «Педагогия университеты» тукталышы тирәсендә, булган. 

Газель тулысынча янып беткән, аңардан тимер каркаслар гына калган.  

Урынга янгынчылар һәм юл хәрәкәте иминлеге автоинспекторлары килгән. Алар янгын сәбәпләрен ачыклый.