Чаллыда сайлауга килүчеләр гриппка каршы вакцина ясата ала

Чаллының 7 сайлау участогында прививка ясату буенча күчмә бригадалар эшли. Шуларның берсе 29нчы гимназиядә урнашкан. Биредә шәһәрдәшләрне 7нче поликлиника медицина белгечләре кабул итә.

"Теләүчеләргә илебездә җитештерелгән Совигрипп и Флю-М вакциналарын ясыйбыз. Алар гриппның А һәм В төрләреннән саклый. Кадаганнан соң 2 көннән тәэсире башлана. Гриппны каты өзлегүләрсез үткәреп җибәрергә ярдәм итә", - ди шәфкать туташы Айсылу Галимова.

Прививка ясату пунктлары 10, 13, 24, 35, 39нчы мәктәпләрдә һәм "Энергетик" мәдәният сараенда да эшли. Алар халыкны кичке җидегә кадәр кабул итә. Вакцина ясату бушлай.