Чаллыда тагын бакча һәм гаражларны тартып алачаклар

Чаллыда 500дән артык гараж кооперативлары һәм бакчачылык ширкәтләрен тартып алачаклар. Сәбәбе Мәскәү проспекты дәвамын ясау белән бәйле. Бу хакта җир һәм милек мөнәсәбәтләре идарәсе башлыгы Ленар Гыйззәтуллин хәбәр итте. 

«Мәскәү проспектының дәвамын ясау буенча икенче этап эшләрне башкару өчен «Юбилейный» бакчачылык ширкәтендә – 65 участок, «Строитель» гараж кооперативында - 173, «Камаз-2» кооперативында – 273 җир кишәрлеге тартып алыначак. Участок хуҗаларына компенсация түләнеләчәк», – дип белдерде идарәсе башлыгы.