Чаллыда тагын бер егет батып үлгән

Бүген кич Чаллының ГЭС бистәсендәге пляжында ял иткәндә бер егет батып үлгән. 

«Без барып карадык. Яшь кешеләрнең вакытсыз үлеме тетрәндерә… Су кергәндә сак булырга кирәк шул», – ди шәһәрдәшебез Ландыш Рәхимова. 

Фаҗига урынына коткаручылар, полиция хезмәткәрләре килгән. 

Якынча мәгълүматлар буенча,  ул – Чаллыга эшкә килгән  21 яшьлек  таджик  егете,  йөзә белмәгән.

Күптән түгел шул пляжда Яр Чаллы Дәүләт педагогия университеты студенты (Мисырдан килгән) батып үлгән иде. 

Ландыш Рәхимова фотолары.