Чаллыда театр артисты вафат

“Мастеровые” театры артисты Светлана Акмалова 50 яшендә вафат булды. Рус драма театрына ул 30 ел гомерен багышлаган. Дистәләгән спектакльләрдә тамашачы күңеленә кереп калган рольләр башкарган: Васса Железнова, Элиза Дулитл, Алиса образлары һ.б. Соңгы иҗат сезонына яңа «Чужие деньги» әсәрендә Александра Мотрошилова ролен уйнаган.  

 “Ул үзенең геройларының нечкә кичерешләрен халыкка җиткерә белә иде. Светлана Акмалованың китүе - безнең театр өчен зур югалту. Без Светлананың гаиләсенең һәм якыннарының кайгысын чын күңелдән уртаклашабыз,  "Мастеровые" үсешенә керткән өлеше өчен рәхмәт”, - дип җиткерде кайгылы хәбәрне театр.

Светлана Акмалова белән хушлашу 22 июльдә моргта узачак.