Яңа проект Чаллы мөхтәсибәте белән берлектә оештырыла.
Чаллыда 18 яшьтән узган теләге булган һәркемне мәчетләрдә намаз укырга өйрәтәчәкләр. Иртәгә, 7 сентябрьдә, шәһәрнең "Опен сити" кунакханәсе залында моны күздә тоткан "Намаз уку - җиңел ул" проектын тәкъдир итәчәкләр. Ул 14:00 сәгатькә планлаштырылган. Биредә дин әһелләре чараның әһәмияте хакында сөйләячәк, аның кысаларында алып барылачак дәресләр хакында тулы мәгълүмат бирәчәк.
Курслар 14 сентябрьдән башлап, 5 шимбә дәвамында, иртәнге 9дан көндезге 12гә кадәр үткәреләчәк. Анда җиңел һәм аңлаешлы итеп әлеге фарыз гыйбадәтне кылырга өйрәтәчәкләр. Ир-атлар һәм хатын-кызлар аерым сыйныфларда шөгыльләнәчәк. Курска язылу өчен 8-996-335-16-35, 8-927-247-39-40 тф номерлары буенча шалтыратырга мөмкин», – дип белдерде безгә “Хәят” мөслимәләр җәмгыяте берлеге рәисе Нәзирә Ахмадуллина.
Бу хакта тулырак түбәндәге видеоязмада.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев