Чаллыга Салават килә

Бу ялларда, 22 һәм 23 февральдә, Ипподромда «Салават Кубогы»на узышлар узачак. Ул Россия чемпионаты кысаларында оештырыла. Илнең төрле шәһәрләреннән автоспортчылар килүе көтелә.

Узышлар «1400», «1600», «Академия» һәм «Свободный» дисциплиналары буенча узачак. 

Искәртергә кирәк, Россиянең атказанган, Тататарстан һәм Башкортостанның халык артисты Салават Фәтхетдинов белән оештырылучы әлеге спорт чарасы хәйрия максатын күздә тота. Катнашучылар керткән взнос акчалары Чаллының балалар йортына тапшырылачак. 

22 февральдә узышлар сәгать 11:00 башлана. 23 февральдә – 10:00.