Чаллының шәфкать туташы бөтенроссия бәйгесенең финалына узды

5нче шәһәр хастаханәсенең күз авырулары бүлеге баш шәфкать туташы Илзирә Ибраһимованың иҗади тормышында әһәмиятле вакыйга булган.

Ул сәламәтлек саклау хезмәткәрләре арасында үткәрелә торган бөтенроссия хәрби-патриотик җыр бәйгесендә катнашып, финалга үткән.

«Бәйгенең финалы 27 апрельдә Мәскәүдә уза. Анда Россиянең төрле төбәкләреннән  катнаштылар. Мин Татарстан данын яклап чыгыш ясыйм», – диде ул «Шәһри Чаллы» газетасы журналистына.

Илзирә әнисе, шагыйрә Рәзинә Сәетгәрәева шигыренә Айзилә Вахитова иҗат иткән «Җиңү таңы» («Героям») җырын башкарып финалга үткән. 

Фотолар Илзирә Ибраһимовадан алынды.