Фатир арендалаучы укытучыларга өстәп 20 мең сум түлиячәкләр

ТР Мәгариф министры Илсур Һадиуллин белдерүенчә, республикада белем бирү өлкәсендә кадрлар проблемасын хәл итү өчен махсус программалар булдырылган. “Барлык укытучылар да фатир яки ипотека алу мөмкинлегенә ия түгел. Аларга ярдәм йөзеннән, торак арендасы өчен 350 яшь укытучыга 20 мең сум күләмендә ай саен акча биреп барачакбыз. Моннан тыш, 350 укытучыга 1 миллион сум күләмендә торак сертификаты тапшырачакбыз. Әле яшьләре билгеләнмәгән”.

Министр сүзләренчә, беренче елда яшь укытучыларның 23% гына эшен дәвам итә. Укытучыларның уртача яше – 48. 22 % - пенсия яшендәгеләр, 21% - яшьләр. Татарстанда иң беренче яшьләргә ярдәм чараларын көчәйтәләр. Элек яшь укытучыларга өстәмә 3500 сум түләнсә, хәзер бу сумма да 10 мең сумга кадәр арткан. Моңа кадәр мәктәпкәчә белем бирү өлкәсендә мондый өстәмә тәләүләр булмаса, хәзер яшь тәрбиячеләр дә 3 ел дәвамында ай саен 10 мең сумга артыграк хезмәт хакы алачак.