«Гидростроитель-1» бакчачылык ширкәтендә 2 өй дөрләп янды

«Гидростроитель-1» бакчачылык ширкәтендә төнге сәгать 11ләр тирәсендә зур янгын чыкты. Ике өй һәм мунча янып бетте. 

Күзәтчелек эшчәнлеге һәм профилактик эш бүлеге хезмәткәре Роберт Зиятдинов әйтүенчә, ут иң беренче 537нче участоктагы өйдә чыга. Ялкын яндагы мунчага күчә. Соңныннан – күрше йортка. Нәтиҗәдә ике хуҗалык та көлгә әйләнә. 

Коткаручылар янгын сәбәбен электр җиһазларыннан күрә. Аларны кулланганда куркынычсызлык чаралары күрелмәгән. 

Фотолар Күзәтчелек эшчәнлеге һәм профилактик эш бүлегеннән