Яңгырлар кайчан туктаячак?

Татарстанда бүген янә яңгыр ява. Көндез хәтта урыны белән яшенле яңгыр һәм боз явачак, дип кисәтә синоптиклар. Яшенле яңгыр вакытында җил секундына — 15-20 метр, ә көндез 24 метрга кадәр көчәергә мөмкин. Гидрометеорология үзәге сайты хәбәр итүенчә, мондый яңгырлы һава торышы атна дәвамында сакланачак.

Һава температурасына килгәндә, Чаллыда көндезләрен +20... кичләрен +12... градус җылы булачак.