Ярминкәдә бәяләр кыйммәт түгел

Бүген Ипподромда, "Төзүче" стадионы каршында һәм "Южный" агросәнәгать паркында авыл хуҗалыгы ярминкәләре.
Ипподромда Минзәлә, Актаныш, Менделеевск районы фермерлары сәүдә итте. 

Тавык итен килограммын 280, сыер итен килограммын 450 сумнан башлап, йомырканың дистәсен 135 сумнан саттылар. 

"Бәяләр көзге ярминкәдәге кебек. Бүген ул чактагыга караганда да юньрәк бәягә җибәрдек, чөнки кеше аз. Ярминкә буласын белмәгәннәр. Киләсе атнада тагын киләбез", - диде Минзәлә районы Аю авылыннан килгән Рушания Сабирҗанова.

Ярминкә 15 сәгатькә кадәр эшли. Кеше аз булу сәбәпле фермерлар иртәрәк тә кайтып китәргә мөмкиннәр.