Иртән кофе эчмәгез!

Табиб Мириам Стоппард сәламәтлек өчен куркыныч булган иртәнге гадәтләрне санап чыкты.
Барыннан да элек ул иртән энергияле зарядканы ясамаска киңәш итте. Табиб сүзләренчә, иртә белән теләсә нинди саксыз хәрәкәт җәрәхәткә китерергә мөмкин. Бигрәк тә умыртка баганасы зыян күрә икән.
Күп кенә кешеләр иртәнчәк уянып китәр өчен кофе яки әфлисун согы эчә. Бу эчемлекләр кандагы шикәр дәрәҗәсен күтәрә икән. Шуңа күрә кофе һәм сокны иртәнге аштан соң гына эчәргә кирәк.