Изоляция вакытында чәчтарашханәләрдә өстәмә хезмәтләр күрсәтү рөхсәт ителми

Коронавирус таралу сәбәпле, үз-үзеңне изоляцияләү вакытында чәчтарашханәләрдә өстәмә хезмәтләр күрсәтү рөхсәт ителми. Бу хакта «Татар-информ» уздырган матбугат конференциясендә Татарстан юстиция министрының беренче урынбасары Айнур Галимов әйтте.

Ул 20 апрельдән чәчтарашханәләргә эшләү рөхсәт ителгәнен искәртте.

«Бары тик чәч кенә кистерергә мөмкин, өстәмә хезмәтләр, шул исәптән маникюр ясау да тыелган», — диде Айнур Галимов.

Аның сүзләренчә, чәчтарашханәләрдә видеокүзәтү булу мәҗбүри түгел. 

Чыганак:Татар-информ